1. Azərbaycan Respublikasında alimlik elmi dərəcələrinin və elmi rütbələrin verilməsini həyata keçirən və təsdiq edən ali icra hakimiyyəti orqanı; AAK-nın başlıca vəzifəsi yüksək ixtisaslı elmi və elmi-pedaqoji kadrların attestasiyası sahəsində nəzarəti həyata keçirməkdən və elmi tədqiqatların aparılmasında vahid dövlət siyasətini yerinə yetirməkdən ibarətdir. AAK keçmiş SSRİ-də 1932-ci ildə yaradılmış, 1934-cü ildən fəaliyyətə başlamışdır. Azərbaycanda isə 1991-ci ildə yaradılmışdır.