yaddaşın xüsusi altsistemi. Keş yaddaşında tez-tez istifadə olunan verilənlərin qiymətləri saxlanılır ki, bunun da nəticəsində onlara erişmək çox sürətlə baş verir. Keş’də operativ yaddaşın tez-tez müraciət olunan verilənlərin elementləri və onların ünvanları təkrarlanır. Prosessor yaddaşın hər hansı bir ünvanına müraciət edirsə və ünvan keş’də yerləşirsə, verilənlər dərhal prosessora daxil olur; əks halda, yaddaşa adi qaydada erişilir. Keş o zaman əlverişli olur ki, operativ yaddaşa müraciət mikroprosessorun işləmə sürətindən yavaş yerinə yetirilir, çünki keş yaddaşı həmişə əsas operativ yaddaşdan sürətli olur. bax: disk cache, wait state.
İsmayıl Calallı. “İnformasiya terminlərinin izahlı lüğəti”. “Bakı” nəşriyyatı, “İnformasiya Texnologiyaları” nəşriyyatı, Bakı 2017, səh. 996.