ədədlər üzərində hesab əməlləri aparan qurğu. Latın dilindəki “calculus” (“kiçik daş”) sözündən götürülüb (qədim hesablama aləti olan abakda kiçik daşlardan istifadə olunurdu). İlk elektron əl kalkulyatoru 1967-ci ildə Texas Instruments şirkəti tərəfindən buraxılıb. Bəzi kalkulyatorları müəyyən funksiyaları yerinə yetirməyə proqramlaşdırmaq olur (programmable calculator), qiymətləri yaddaşda saxlaya bilir, lakin onlar bir çox cəhətdən kompüterlərdən fərqlənir: kalkulyatorlar məhdud sayda komandalar yığını ilə işləyir, onlar mətnlə işləmir, verilənlər faylından və tətbiqi proqramların informasiyalarından istifadə edə bilmir. Elmi hesablamalar aparmaq üçün də xüsusi kalkulyatorlar (scientific calculator) vardır.